Feeds:
Posts
Comments

Archive for May, 2010

ადამიანები ისეთ გარემოში ცხოვრობენ, როგორიც მოსწონთ. დღევანდელი დაბინძურებული გარემო, ამის ნათელი მაგალითია. ხომ არ ემსგავსება საზოგადოება იმ დაბინძურებულ გარემოს, სადაც უწევს არსებობა?

ყოველი ქარის ამოვარდნაზე თუ ქუჩაში სიარულისას ფეხები ცელოფნის პარკებში გაგეხვევათ იცოდე, რომ ეს შენი გაკეთებულია. თუ კი  ნატვრის ხესავით გაწყობილ ფერადი პარკებით ახუნძლულ ხეს ხედავ იცოდე, რომ ეს ის პარკებია შენ, რომ ქუჩაში მოისროლე რამდენიმედღის წინ. თუ შენ არ მოგწონს შენი ქალაქი, გაღიზიანებს ქუჩაში დაყრილი ლუდის ქილები, სიგარეტის კოლოფები და მისი ნამწვავები, ფერად-ფერადი პოლიეთილენის პარკები, ქალის და ბავშვის ჰიგიენური საფენები, მაღალი კორპუსებიდან პირდაპირ ძირს ”გადმოდანარცხებული” საყოფაცხოვრებო ნარჩენებით გაძეძგილი პარკები, მაშინ შენ, თავად შეგიძლია შეცვალო და უკეთესი გახადო გარემო. ამ ყველაფრის გამოსწორება ძალიან მარტივად შეიძლება, უბრალოდ შენ ნუ გააკეთებ იგივეს!

გუშინ ჰაინრიხ ბიოლის ფონდში საინტერესო დისკუსია გაიმართა თემაზე ”ნარჩენების მართვა:თანამედროვე გამოწვევები”, დისკუსიის მოდერატორმა და ჟურნალისტმა ზვიად ქორიძემ აუდიტორიას საქართველოში ევროკავშირის დელეგაციის წარმოამდგენელის მიხალ ნეკვასილის წერილი გააცნო. გთავაზობთ წერილის სრულ ვერსიას:”გასაღები წარმატებისთვის არის ”მენტალობის ცვლა” იმ თვალსაზრისით, თუ როგორ აღვიქვამთ ჩვენ ნარჩენებს – რაც უფრო მეტი ადამიანი მიხვდება, რომ ნარჩენები შეიძლება იყოს საჭირო რესურსი შემდგომი გამოყენებისათვის და არა სუნიანი რამ, უფრო მეტი შანსი გექნება ჩვენ წარმატებისთვის. უფრო კონკრეტულად, მაგალითად, როდესაც ჩვენ ვსაუბრობთ მუნიციპალურ ნარჩენებზე, პირველ რიგში, ჩვენ უნდა გავაკეთოთ მისი პრევენცია (მაგ.: ნაკლები პარკები), მისი განცალკავება (მაგ.: პოლიეთილენის პარკები, ჭიქა, ქაღალდი, ბიოლოგიური ნარჩენები) და განახლება (გადამუშავება, თავიდან გამოყენება..). მხოლოდ ყველაზე ბოლოს უნდა ვიფიქროთ ჩვენ გადაყრაზე. ყველაფერი ეს უნდა განხორციელდეს ნარჩენების მენეჯმენტის შესახებ მკაფიო კანონმდებლობის შემუშავებით, ნარჩენების მოთავსებით სპეციალურ ნარჩენების ინვენტარში, ნარჩენების მენეჯმენტის მკაფიო გეგმის შემუიშავებით, ყველა დაინტერესებული მხარის თანამონაწილეობით (ხელისუფლება, ადგილობრივი ორგანოები, არასამთავრობო სექტორი, ბიზნესი, მკვლევარები, საზოგადოება და ა.შ.) და ბოლოს, მხარდაჭერილი უნდა იყოს საზოგადოების ცნობიერების ამაღლებისაკენ მიმართული ფართო საინფორმაციო კამპანიით.”

ვინ ახორციელებს საზოგადოების ცნობიერების ამაღლებას ფართო საინფორმაციო კამპანიით ჯერჯერობით ჩემთვის არ არის ცნობილი, მაგრამ ბიოლის ფონდში გამართული   საჯარო დებატები დასტური იყო იმისა, რომ ეს თემა ჯერჯერობით ძალიან პოპულარული ნამდვილად არ არის.

ამ თემაზე  ისაუბრა და დაგეგმილი ღონისძიებები გააცნო იქ მყოფ აუდიტორია გარემოს დაცვის სამინისტროს წარმოამდგენენლმა ელვარდ …..(სამწუხაროდ სახელიც ძვლივს დავიმახსოვრე:)რომელმაც ისაუბრა ახალი ნაგავთსაყრელების მშენებლობაზე, საზოგადოების ჩართულობაზე და საკანონმდებლო ბაზაზე, რომელიც მოუწესრიგებელია და ვერ აკმაყოფილებს საერთაშორისო სტანდარტებს. კანონი ნარჩენების მართვასთან დაკავშირებით არ არის მიღებული, რომელიც ხელს შეუწყობდა ნარჩენების მართვის გაუმჯობესებას,თუმცა როგორც გარემოს დაცვის სამინისტროს წარმომადგენელისგან შევიტყვეთ სერიოზული მუშაობა მიმდინარეობს საკანონმდებლო ბაზაზე და ამ პროცესში ჩართულები არიან, როგორც გარემოს დაცვის და ბუნებრივი რესურსების სამინისტრო, ასევე ჯანმრთელობის დაცვის,ეკონომიკის,ფინანსთა და სოფლის სამინისტროები. კანონპროექტზე მუშაობენ როგორც ქართველი, ისე გერმანელიექსპერტები. ამის პარალელურად კი კი იწყება პროექტი ევროკავშირის ფინანსური დახმარებით, რომელიც ითვალისწინებს ნარჩენების მართვის ეროვნული სტრატეგიის შემუშავებას.ასევე დაგეგმილია ნარჩენების მართვის მონაცემთა ბაზის შექმნა ე.წ ”ტვინინგის პროექტი”.

ასევე არსებობს ფინანსური პრობლემა, მოუწესრიგებელი ფინანსური მექანიზმები, რის გამოც ვერ ხერხდება გადასახადების ამოღება, განსაკუთრებით რეგიონებში და რაიონებში. ხოლო, რაც შეეხება მუნიციპალიტეტებს, ზოგიერთი გამონაკლისის გარდა, მუნიციპალიტეტებს არ გააჩნიათ საჭირო დაფინასება ნარჩენების მართვასთან დაკავშირებით (და ალბათ, რომც გააჩნდეთ, ჩემი პირადი მოსაზრებაა, საეჭვოა ეს ფინანსები მიზნობრივად დაიხარჯოს )

რაც შეეხება ახალ ნაგავთსაყრელებს, დაგეგმილია თბილისის ახალი ნაგავთსაყრელის მშენებლობა. ნაგავთსაყრელის მოწყობაზე ნებართვა უკვე გაცემულია გარემოს დაცვის სამინისტროს მიერ, როგორც სამინისტროს წარმოამდგენელმა თქვა თბილისს მალე ექნება საერთაშორისო სტანდარტების ნაგავთსაყრელი, ასევე დაგეგმილია რუსთავ-გარდაბნის ახალი  ნაგავთსაყრელის აშენება, რომელზეც უკვე არსებობს დადებითი ეკოლოგიური  ნებართვა. ახალი ნაგავთსაყრელის მშენებლობაა დაგეგმილი ასევე აჭარის რეგიონში, კონკრეტულად ჩაქვში, სადაც მოსახლეობა ამ ფაქტს პროტესტით შეხვდა.

დისკუსიაზე ბევრი საინტერესო შეკითხვა დაისვა. სამწუხაროდ დიქტოფონის არქონის გამო ყველაფერი ვერ ჩავიწერე, მაგრამ ერთი ყველაზე მეტად დამამახსოვრდა. ერთმა მონაწილემ თქვა, რომ აუცილებლად უნდა შეიცვალოს საზოგადოების ცნობიერება ამ საკითხთან დაკავშირებით და პირველ რიგში ცვლილება სიტყვა  ”ნაგავთსაყრელიდან” უნდა დაიწყოს.

Say No to PLastic Bags! არა ცელოფნის პარკებს! ამის შესახებაც მინდოდა მეთქვა. ძალიან აქტიური ჯგუფი ფეისბუქზე, რომელიც შაბათობით ასუფთავებს დაბინძურებულ ადგილებს. თქვენც შეგიძლიათ შემოგვიერთდეთ.

Read Full Post »

reabilitacion

reabilitacion…
Mcire posti chemi mobiluridan:)

Read Full Post »

უცნაურად აეწყო ჩემი ცხოვრება, ყველაფერი ელვის უსწრაფესად მოხდა, რაღაცეები წინასწარ კი ირკვეოდა და ეხლაც ბევრი რამე გარკვევის პროცესშია, მაგრამ ერთი ძალიან კარგი რამ რაც გამოჩნდა ისაა, რომ რაც ძალიან გინდა ის შეიძლება ასრულდეს, მთავარია რაღაც , მომენტში უკან არ დაიხიოს ადამიანმა, არ შეშინდეს და მიუხედავად დამარცხებისა და სადღაც ბევრჯერ ფეხის წამოკვრებისა, მაინც შეეცადოს გააგრძელოს გზა. ”როცა შვიდჯერ წაიქცევი, მერვედ ფეხზე უნდა ადგე” ეს  ფრთიანი გამონათქვამი პაულო კოელიოს ეკუთვნის და ახლა უკვე მეორედ გამახსენდა, სად წავიკითხე არ მახსოვს.ახლა ვაპირებდი პაულოზეც დამესველებინა 🙂 რამდენიმე სიტყვა, მაგრამ მეზარება, წინ საინტერესო დღე მელოდება, ამიტომ სხვა რაღაცეებიც უნდა დავწერო.

ბლოგი მენატრებოდა. საშინლად მენატრებოდა. ეს დღეები, იმის შემდეგ რაც მობილური ინტერნეტით ვმოძრაობ, სასტიკად მომინდა მობილურიდანვე ვპოსტო ვორდპრეს.ქომზე, ასე უფრო აქტიური ვიქნებოდი. უტა დამპირდა, რომ ქართული შრიფტის ჩატვირთვა შეიძლებაო, ჰოდა ერთი სული მაქვს ეს როდის მოხდება და იმის შემდეგ სრულიად ინტერნეტიზირებული ვივლი.

მაკასთან ვიყავი სახელოსნოში, ძაან დიდიხნის წინაც უნდა ავსულიყავი და როგორც იქნა მოვაბი თავი. მე და მაია ავედით. მაკას ჰქონდა ერთი თეთრი ვარდი და მერე ისიც მოჭრა და ღვთისმშობლის ხატისთვის წაიღო სიონში. ახლა მარტო მაკას ფოტოს დავდებ, იქ ისეთი საინტერესო ამბებია ამაზე სხვა დროს უნდა დავწერო, ახლა ასე გაფანტულად არ ღირს.

 ეკასთანაც  ვიყავი, რაც უნივერსიტეტი დავამთავრე იმის შემდეგ აღარ მინახავს. მის ლურჯ ოთახში ვიყავით და დიდხანს ვლაპარაკობდით. თავიდანვე ვთქვი, რომ ჩემი ოცნების ლურჯი ოთახია აქვს. თავისი ნაწერები წამიკითხა,ბოლო წლებში დაგროვლი და დეპრესიის დასათრგუნად ნაწერი ამბები. რაღაცეებს აპირებს, იმედია ყველაფერი კარგად აეწყობა.

დედა მაკრინეს გუშინ დიდხანს ველაპარაკე. კარგია რაც  ხდება, მაგრამ შენი სულიერების საკითხი ყველაზე მეტად მაღელვებსო და იმედია ამ საკითხსაც მიხედავო…მალე უნდა მივხედო, როცა სიზმრები ყოველ ღამით ამეკვიატება, აი მაშინ მართლაც მისახედია …

ზღვა მენატრება. ალბათ ზღვაზეც წავალ, ღამის მატარებლით წავალ თუ თვითმფრინავით არ ვიცი, მაგრამ რომ უნდა წავიდე ეს უეჭველია.

Read Full Post »

ცოტა ხანში ყავას მოვადუღებ და მერე ისევ გავაგრძელებ წერას. ამ დღეებში ისე ჩანდა თითქოს ბლოგი დავიკიდე, მაგრამ რაღაცის დაწერას ვაპირებდი და არ ვფიქრობდი, რომ რაც ჩემს თავს ხდება ესეც საინტერესოა ბლოგისთვის. ცვლილებების ქარი, რომ არ დატრიალდებოდა, ეს ყველამ იცის, უბრალოდ ჩემთანაც ხდებოდა ცოტ-ცოტა ცხოვრებისეული ამბები. ჯერ ყავა  თუ პოსტის მერე? მოკლედ ყავებს კარგა ხანია არ გავკარებივარ, დღეს კი ისეთი “მნიშვნელოვანი” დღეა, ნამდვილად ღირს დღის გახანგრძლივება.

რადიოდან წამოვედი. რაღაცნაირად სასაცილოდ ჟღერს, ეს ადგომა და წამოსვლა, მაგრამ ზუსტად ასე მოხდა, გუშინ დილით გადაცემა “კბილის ჯაგრისი” წავიყვანე, საღამოსაც ვიმუშავე მუსიკალურ ეთერში, ავიღე ხელფასი- მგონი 85 თუ 87 ლარი,  მერე ღამის ორი საათის შემდეგ, მეორე სტუდიაში გავედი, მწვანე გადასაფარებლიან დივანზე გავშალე ჩემი სუფთა თეთრეული და დავიძინე. ეს იყო და ეს, არანაირი გამომშვიდობება მსმენელებთან და გულაჩუყებული ლაპარაკი, საერთოდ არაა საჭირო ვინმეს უთხრა რატომ მიდიხარ, მერე რას იზამ, რა გზას ეწევი და ა.შ. ხოდა ყველაფერი ძაან ბუნებრივად იყო, ამ დილითაც ძაან ბუნებრივად გამეღვიძა და საშინლად მტკიოდა გვერდები და მტკიოდა თავი უჰაერობისგან. ანუ საოცრებები ნამდვილად არ მომხდარა. თან მითუმეტეს რადიოში გადაცემის გაკეთება მაინც მომიწევს ყოველ მეორე სამშაბათს, ამიტომ ტრაგიკულად არაფერს ვუყურებ. ეს უბრალოდ შესვენებაა და მოტივაციის ამაღლების დღეებია იქამდე, სანამ რეალურად რამე ახალს დავიწყებ.

ახლა გავალ და ყავას მოვუდუღებ…

მუქია და მწარე გემო აქვს. დღეს ნამდვილად მეყოფა.

თან გუშინ პროექტის მეორე გადაცემა გავაკეთე, თემა იყო ასოციალური და კანონსაწინააღმდეგო ქცევების პრევენცია მოზარდებში და კრიზისში მყოფი ბავშვები. ორი საერთაშორისო ორგანიზაციდაან იყვნენ სტუმრები, ფსიქოლოგი, სოციალური მუშაკი და პროექტის კოორდინატორი, ჩემთვისაც საინტერესო თემა იყო, ბევრი რამ გავიგე, ამიტომ ალბათ მომავალ, რომელიმე გადაცემას კიდევ მივუძღვნი არაფორმალურ განათლებას.

გარეთ არ ვიცი რა ხდება, ისევ იღრუბლება მგონი. ძველი ჟურნალები ამოვყარე, სანდრო კაკულიას “რადიოამბავს” ვეძებდი და ვიპოვე, ხელახლა უნდა გადავიკითხო. რატომღაც მიყვარს ეს მოთხრობა, ცოტათი მეც ვარ იქ, სადღაც გავიელვებ:)ხოდა დღეს უამრავ დაგროვებულ სახლის საქმეებს, რომ მივხედავ მერე ჩავუჯდები. გუშინ ძაან მომინდა ქრისტინესთან დარეკვა, საერთოდ სახლში არავის ვურეკავ, მაგრამ მაინც ვერ მოვახერხე. დღეს დავურეკავ და ამ დღეებში სადმე ვნახავ. იშვიათად ვინმეს ნახვა მომინდეს, მაგრამ ქრისტინე გამონაკლისია, მუდმივად დადებით იმპულსებს გადმომცემს, წინა შაბათ-კვირას უნდა მენახა, მაგრამ მე ხომ ხან ალთას ვარ ხან ბალთას. ბებიაჩემი, რომ ცოცხალი იყოს გაგიჟდებოდა ჩემი ამდენი წანწალით, მეტყოდა : “რამდენს დაწოწიალობო”…

უტა ქუტაისშია გადაღებაზე, დილით დამირეკა და ეს ამბავი მამცნო. შეიძლება უკვე ბათუმშიც წავიდნენ .

თბილისში, რომ აღმოვჩნდები ეკა უნდა ვნახო. მის ნახვას რამდენი ხანია ველოდები. ხოდა ვნახავ და დიდხანს ვილაპარაკებ მასთან. თან თავის მოთხრობებს წამიკითხავს და უბრალოდ ყავას დავლევთ ერთად. ეკა ჩემი ნათელი  წერტილი იყო უნივერსიტეტში სწავლის დროს, მასზე შეყვარებული ვერაფრით ვაცდენდი მის ლექციებს. ხოდა ახლა წლები გავიდა, რაც არ მინახავს და წინასწარ მიხარია მასთან შეხვედრა.

მოკლედ თინეიჯერობის წლები დამთავრდა:)

Read Full Post »

%d bloggers like this: