Feeds:
Posts
Comments

Posts Tagged ‘მადონა’

ალბათ 2 კვირა იქნებოდა რაც რადიოში არ ვყოფილვარ. რადიოში არ ვყოფილვარ ვგულისხმობ ეთერში არ ვყოფილვარ. ისე თუ საქმე არა მაქვს უკვე აღარც ავდივარ რადიოში. რა უნდა გავაკეთო იქ? არც არაფერი. სიგარეტს მე აღარ ვეწევი,ყავა თუ მომინდა სახლშიც დავლევ, ვინმესთან საუბარი თუ მომინდა, სახლიდანაც მშვენივრად მოვახერხებ ინტერნეტის დახმარებით. ხოდა რატომ უნდა ვიარო ყოველდღე თუ საქმე არ მაქვს. ჰოდა მე მაშინ დავდივარ, როცა ვმუშაობ და კიდევ კარგი არც მარავინ მაძალებს მოდიო. აი მარისთან სულ სხვა სიტუაციაა. თუ ეთერში არ მუშაობს,მაინც უნდა ავიდეს და დაჯდეს და ელოდოს რაღაცას…რას უნდა ელოდოს ეს არც მარიმ იცის და არც სხვამ…გუშინ ვკითხე მეთქი რო ახვედი რა გააკეთეთქო და მითხრა არაფერიო. წესით რამე უნდა გაეკეტებინა, სადმე უნდა წასულიყო, რაღაც დავალება ან რავი რამე ხო უნდა მიეცათ, ან სიუჟეტის გასაკეთებლად გაეშვათ. მაგრამ არა. ტყუილად იჯდა რადიოში, მერე რაღაც თემები ვუთხარი რაზეც შეიძლება სიუჟეტის გაკეთება, ადამიანების ჩაწერა და მოკლედ მარის რედაქტორი მგონი მე ვარ:)ხოდა ასეთ დროს ძაან ვბრაზდები. რა კარგია, რომ საინფორმაციოში არ ვმუშაობ. ძვლივს ტყუილად ყოფნას გადავეჩვიე. ახლაც იმიტომ ავწუწუნდი ასე, რომ თუ კი სახლიდან უაზროდ გადიხარ, დროს და ფულს ტყუილად ხარჯავ, მაშინ არ ჯობია სახლში დარჩე და მეტლახი მოხეხო? ანდა რაღაცეები რომ გაქვს გასაუთოებელი ის გააუთაო? მოკლედ უამრავი საქმეა და დრო კი ცოტა და მართლა უნდა გადაირიო კაცი, როცა ასე საჭირო დროს უაზროდ ფლანგავ. გამოსავალი არის კარგი მენეჯმენტი.

მარი თამაშობს პეტვილს ჩემი, დედაჩემის , მირანდას და თავისი ფეისბუქიდან. ვიღაც ვარდისფერ ტიკინას აჭმევს, აცმევს,სახლს ულაგებს, ავეჯს ყიდულობს და ამით არის ბედნიერი:) ზრუნვის საგანი ჰყავს, ვარდისფერი თოჯინა, რომელიც კარგად დანაყრების შემდეგ აბოყინებს და უკანალს იქექავს. რა უცნაური დამთხვევაა უსაქმურობის.

ხოდა იმას ვამბობდი კაი ხანია რადიოში არ ვყოფილვართქო. ისეთი ემოციური დღეები მქონდა, ყველაფერი გადამავიწყდა. დღეს დილით ამოვედი, ამოვიტანე ჩემი ყავა და დავლიე უშაქროდ. მენატრებოდა ეს დილა. მერე გადავწყვიტე რომელიმე ბლოგი წამეკითხა. ვეძებე, ვეძებე და მერე გადავწყვიტე  სოფის ბლოგი ბლოგი. მოკლე პოსტი იყო და თემატურიც მუსიკასთან. ჩემი მადონა  გამახსენდა. რადიოსთვის როცა მჭირდება ბლოგები, ძაან მიჭირს შერჩევა. ძირითადად ” ცხელი შოკოლადის” ბლოგებს ვკითხულობდი, ახლა რამდენიმე ისეთი ბლოგი ჩავამატე ბლოგროლში, რომელიც ეთერშიც შეიძლება გამოვიყენო.

უცნაურად თბილი ამინდებია, გაგიჟდება კაცი. დუტის ჟილეტით გამოვედი სახლიდან და საერთოდ არ ციოდა.შექსპირის კითხვაში გავათენე გუშინ. დღეს ყავით გავიჭყიპები. გაღიმებული ვწერ. რა კარგი დილაა:)

ჩემი კბილის ჯაგრისი მალინისფერია. შენი?

Read Full Post »

დღეს არანაირი არც შექანება და არც გაქანება არ მაქვს შემოქმედებითი,რადგან მთელი დღე ღრიალში გავატარე გარკვეული მიზეზ-გარემოების გამო,ასე რომ შეიძლება ისიც დავამატო,რომ დღეს ჩემს შექანებულობას მე თვითონ ვბლოკავ და კარგ ხასიათზე რო დავდგები,მაშინ დავწერ,ისე როგორც მე მინდა.

დღეს ვნატრობდი რაღაცეებს. სიგარეტი ვინატრე ძაან.მომინდა.კატასტროფულად მომინდა.კიდე მომინდა სუულ ცოტახნით,მაგრამ მაინც მომინდა ჩემი აუტანელი თავი მიმეხრჩო.ცოტახანს შემესვენა.რადგან ვერცერთი ვერ მოვახერხე,როგორც ყოველთვის აპრობირებულ და თან ძალიან კარგად აპრობირებულ ხერხს მივმართე და დავიძინე,სანამ ჩამეძინებოდა,მაინც ვცდილობდი ცუდ რაღაცეებზე მეფიქრა,მემაზოხისტა,მაგრამ არ გამოვიდა, რადგან მალევე ჩამეძინა..მიშველა ამ ჩემეულმა და კარგად მიგნებულმა თერაპიამ და გამოღვიძებული უკვე საკუთარ თავს აღარ ვტანჯავდი.

ახლა მადონას მოვუსმენ ცოტა ხანს.კურიერიდან მომესმა,რომ მადონას მეზობლებმა გააპროტესტეს ის, რომ მომღერალი ხმამაღლა უსმენდა ღამით მუსიკას და სარჩელი შეუტანიათ სასამართლოში.ჰოდა მადონა მომინდა ეხა და ამას მაინც ავუსრულებ საკუთარ თავს,დღეს ისედაც ყველაფერზე ვეღრიჯები მშიერი ძაღლივით ჩემს ძვირფას ეგოს.ჩემი ბავშვობიდან ერთი განსაკუთრებული თოჯინა მახსოვს,ცისფერთვალება და ქერათმება,რომელსაც მადონა ერქვა.მაშინ ვერ ვხვდებოდი ვინ იყო მადონა,მაგრამ ამ სახელზე სულ  მოწიწება მიჩნდებოდა.მერე ზუსტად ვერ ვიხსენებ მე დავთხარე მარჟვენა თვალი თუ სხვამ,მაგრამ მახსოვს მეგონა რომ ამოუვიდოდა ხელახლა,ასევე მეგონა რომ თოჯინებს თმებიც გაიზრდებოდა.

ჩემი მადონა. . .

Read Full Post »

%d bloggers like this: